תהילים

נז,א  לַמְנַצֵּחַ אַל-תַּשְׁחֵת, לְדָוִד מִכְתָּם--    בְּבָרְחוֹ מִפְּנֵי-שָׁאוּל, בַּמְּעָרָה.
נז,ב  חָנֵּנִי אֱלֹהִים, חָנֵּנִי--    כִּי בְךָ, חָסָיָה נַפְשִׁי:
וּבְצֵל-כְּנָפֶיךָ אֶחְסֶה--    עַד, יַעֲבֹר הַוּוֹת.
נז,ג  אֶקְרָא, לֵאלֹהִים עֶלְיוֹן;    לָאֵל, גֹּמֵר עָלָי.
נז,ד  יִשְׁלַח מִשָּׁמַיִם, וְיוֹשִׁיעֵנִי--    חֵרֵף שֹׁאֲפִי סֶלָה;
יִשְׁלַח אֱלֹהִים,    חַסְדּוֹ וַאֲמִתּוֹ.
נז,ה  נַפְשִׁי, בְּתוֹךְ לְבָאִם--    אֶשְׁכְּבָה לֹהֲטִים:
בְּנֵי-אָדָם--שִׁנֵּיהֶם, חֲנִית וְחִצִּים;    וּלְשׁוֹנָם, חֶרֶב חַדָּה.
נז,ו  רוּמָה עַל-הַשָּׁמַיִם אֱלֹהִים;    עַל כָּל-הָאָרֶץ כְּבוֹדֶךָ.
נז,ז  רֶשֶׁת, הֵכִינוּ לִפְעָמַי--    כָּפַף נַפְשִׁי:

בס Untitled 1
  On That Day I Will Raise Up The Fallen Booth Of David

בס"ד

 

Painting 60
Home

Go To Next Picture

 

King David
Go To Previous Picture

 

 

 

 

More Print Options

Copyright 2013 Liora Nitsan

neshamaart@bezeqint.net

 

 

 

                                                                          

 














כָּרוּ לְפָנַי שִׁיחָה;    נָפְלוּ בְתוֹכָהּ סֶלָה.
נז,ח  נָכוֹן לִבִּי אֱלֹהִים, נָכוֹן לִבִּי;    אָשִׁירָה, וַאֲזַמֵּרָה.
נז,ט  עוּרָה כְבוֹדִי--עוּרָה, הַנֵּבֶל וְכִנּוֹר;    אָעִירָה שָּׁחַר.
נז,י  אוֹדְךָ בָעַמִּים אֲדֹנָי;    אֲזַמֶּרְךָ, בַּלְאֻמִּים.
נז,יא  כִּי-גָדֹל עַד-שָׁמַיִם חַסְדֶּךָ;    וְעַד-שְׁחָקִים אֲמִתֶּךָ.
נז,יב  רוּמָה עַל-שָׁמַיִם אֱלֹהִים;    עַל כָּל-הָאָרֶץ כְּבוֹדֶךָ
.